أهديها إلى جلالة الملك محمد السادس نصره الله و حفظه – رغما عنهم و الم يريدوا ايصالها – لتصل إلى كل المغاربة و سيصل الصوت لا محال .
.
.
و لنتشبت جميعا بصحرائنا ـ الصحرا بلادي ـ
http://www.
maghrebspace.
net/Music/Adil+benasser/76987/Ecouter
“قصيدة ” الصحرا بلادي
وَاشْ الظُلْم يَا عَالمْ فِيكْ عَادَة
والنَّاسْ جُوجْ إمَّا عْبِيـدْ إمَّا سَادَة
وْالدُنْيَا لْهْبِيلَة مْسْكِينَة زَايْدَة
سَايْقَهَا لْهْبَالْ وْغَادَة.
.
غَادَة.
.
غَادَة
نْحْلَمْ بِيكْ يَابْلادِي عْرُوسَــة
فِيـكْ ضَوْ لْفَرْحْ وْالطّْيُورْ غْرَادَة
يْطُولْ لِيلِي بْهْـمُومُو وْهْمُومِي
ولَازْمْ مَا يْصْبَحْ الصْبَاحْ بْسْعَـادَة
وْلِيتْ عْلِيكْ يَا بْلادِي غْرِيـبْ
أمْ فَهْمِي قَلْ تْلَفْ وْلّى غِيـرْ لْعَـادَة
نْشُوفْ فِيـــكْ الظُلْمْ يْطُوفْ
وْحْبَابي أَهْل بْلادِي عْيُـونْ سْدَادَة
رْزَقْ لْعْبَادْ مْحْكُـــومْ بْقَبْضَة
حْدِيدْ وْنَاسْ تْصْفَقْ فْرْحَانَة خْدَادَة
زْرَابي مَفْرُوشَة وْسْيَـارَاتْ تْشَالي
أمْوَالْ مَا تْحْسَبْها مْخَـاخْ عْدَادَة
تْكَلْبَتْ حْوَالكْ لِيلْكْ مْهْدُودْ تْعْبَانْ
وْنْهَارْكْ سِيـــبَا وْفَوْضَى مْدَادَة
حْوالكْ عَيـَّـــاتْ دْوَيْتي وْقْلامي
وْوْرَاقي عْليكْ بْالنـّْــوَاحْ عْدَادَة
سْكْنَتْ لْحْزَانْ فْ قَـــــاعْ لْبْيَارْ
وْرْمَالْكْ عْطْشَانَة ” بْكْدَاشْ زَادَة”
نْسَا وْرْجَالْ طْفَــــالْ وْصْبْيَانْ
قْصَايْدْ المحْرُومْ صَامْدَة صَمَّـادَة
تْكْتَبْ بْلْعَزْ ولْفْخَرْ غْنـَّــــايَةْ
مُوتْ عْلى بْلادِي يْتْكَرَمْ بْشْهَـادَة
يْمُوتْ صْبـَـــايَ وْشِيبي يْوْقَفْ
وْرْمَـــالْ الذْهَبْ هَامْدَة خْمَادَة
تْعْيَاوْ مَا قْتْلُـــو وْ تْبْقَى بْلادِي
فْ عْروقْهَا مْرَة حَـادْكَة فَحْلَة وْلاَّدَة
الصَّحْرَا بْلادِي مَهْمَا قَالْ لْعْدُو
مَهْمَا كّْذَبْ وْكْذُوبُو فَاتْ حْدَادَة
– 2011-
مع خالص تحياتي
عادل بناصر
فرنسا 85000