فين ماتشوفوا السبع يفرس عرف الضبوعا حداه
.
.
وفين ماتشوفوا الراجل يعرعر عرف المرا غالباه
والسبع من العكز يقلز ،ويتسنى صيد نتواه
والراجل المغلوب في مالوا وكلامواوعيشتوا حكماه
والسبع ما يعرض الضبع وخا تبقى وراه
هو عارفوا بسكاتوا ياكل كل لي معاه
العفة والحشمة ماتشبعوا من صباحوا لمساه
هادي هي الغابة،طبيعي لي دا شي داه
بالقوة بلا شرع بلا قانون .
.
والدم لي يتمناه.
شوف هاد الزمان لي بسيارتوا طغى.
يبغي يدوز على كل ماجا فملقاه
نسى بنزولوا يصبح راجل و وخا من سيارتوا لسكناه
مول المال ما عرف ما قال ما سال كولشي شراه
ماعرف راه خلاوها من قبلوا وكثر منو أضعاف.
غير يتفكر مولاه
النار ما تختار لي شداتوا هشماتوا ومنوا لطلقاه
الدخان ما يعطيوه ليك انت تقلب عليه وتنشواه
تعلم ما تسكت، ماتعرعر ،فالمعقول دخلوا جواه.
بقلم : خاليد جموحي