الصحبة مشات.
.
.
الصحبة تقال في الحجيات
وتغنى وتروىفي الروايات
اما الواقع فاقدة كل الصلاحيات
صحبتك طول بكثرة الدريهمات
اما الصداقة والمبادئ سوى كليمات
تجسد محاور سيناريوهات
أفلام،وقصص،مسلسلات
تقدر تشوفوها في بعض لكليبات
كيف جاتك يا وقت.
.
ولات الحسابات
قالوا زمان:حساب يطول العشرة مع اليامات
ماشي الصحبة على كثرة الريالات
الآية معكوسة كثرةالفهامات
بنادم عايش وحاضي كوايموا من الشمتات
را حنا بين مقوصة لغفل مقصولوا عوينات
يخليوه عمى فياموا الماجيات
هادشي مشات معاه النية.
.
وبقاو غير الحيات
زمان الحقد والنفاق والكديبات
في الحزة يخليوك سارح في الظلمات
وفي العز يزنزنوا عليك كيف نحل الشهدات