71039
ما تعجن لي خبزي
ما توكلني زنان عنزي
شدقي يكفيني .
.
.
من الجوع ينسيني .
.
.
واش .
.
.
!!؟
ما تقولي: .
.
.
علاش؟
مواقف تحكي
سمع بلاما تشكي
زمن و مشى .
.
.
وخلا المتارك فالقلب تخشى .
.
.
طعريجة مهرسة
وهبيلة معرسة
سديت ودفعت الحساب
عفاك!! ما بغيت عذاب
واش .
.
.
؟!!
العقل طاش
وراك الصح تفلية
و الدنيا ضحك وبلية
شوف حالك و لم
راه السم ما هو دم
ما تعجن لي خبزي
ما توكلني زنان عنزي
رباع ونصاص
ماتخليني قناص
كرسي نقصاه رجل
مانمشط راسي بمنجل
فرحي .
.
حروف
مافيه دجاج .
.
مافيه خروف
ماتسول ماتقول : علاش ؟!!
ماتخليني نعتك غشاش
بواق السوق
ما ترجع الحقوق
حنكور و منفخ
مزيز و مكلخ
كتان و ملطخ
واش.
.
.
!؟
ماعندي باش
راضي و ضاحك
انت لي الموج لاحك
سردين وضحك عليك
كولشي يشاور وينعت فيك
واش .
.
.
؟!!
ما تقولي: .
.
.
علاش؟
ما تعجن لي خبزي
ما توكلني زنان عنزي
بغيت سبولي ثامر
بعرقي جيبي يبقى عامر.