وْ غِيرْ عْدْرْني …
نْشْكي عْليكْ نْتَا يَا اللّْيلْ
مَا كَايْنْ لِي يْسْمَعْني
نْشْكي عْليكْ نْتَا رَاكْ خْلِيلْ
مَا كَايْنْ مْنْ يْفْهَمْني
نْشْكي عْليكْ وْ شْفَارِي سْدْلَاتْ عْلِيَّ هْمُومي
نْشْكِي عْليكْ وْ سْرَاري مَا دْفْنَاتْ ضْيُومي
…
نْشْكي لْلشّْكْوَى حْتَا تْتْقَاضَى الشّْكْوَى
نْشْكي فْ لخَلْوَة حْتَا تْبْكي مْعَايَ لخْلْوَة
نْشْكي ’ نْشْكي وْ هَذا قَلْبي رَاهْ بْدَمُّو دْوَا
يْشْكي وْ يْبْكي فِينْ صَحْبِي .
.
الكُلْ رَاهْ بْيَا خْوَا
…
وْحِيدْ .
.
وْحِيدْ وْ مْنْ غِيرْكْ يَا لِيلْ يْوَاسِي
وْحِيدْ .
.
وْحِيدْ وْ مْنْ غِيرْكْ يْفْهَمْ مْنْ يْقَاسِي
نْشْكِي عْلِيكْ نْتَا يَا اللِّيلْ
هَمْ رْكَبْنِي مْنْ سَاسِي لْرَاسِي
نْشْكي عْلِيكْ وْ لْقَمْرَة فِيكْ تْمِيلْ
هَمْ فْ هَمِّي يْخْدَمْ .
.
طَيّْرْ نْعَاسِي
نْشْكِي عْلِيكْ نْتَا يَا اللِيلْ
مَ لْقِيتْ لِّي يْسْمَعْنِي
نْشْكِي عْلِيكْ نْتَا رَاكْ خْلِيلْ
مَ لْقِيتْ مْنْ يْفْهَمْني
جِيتَكْ بْهَمِّي الثْقِيلْ
وْ بْوْجَهْ لْعْشْرَة سَامْحْنِي وْ عْذَرْني
زَدْتَكْ هَمْ وْ هَمَّكْ مَ هُو قْلِيلْ
وْ غِيرْ عْذَرْني وْ غِيرْ عْذَرْني .
.
رَاكْ طْبِيبْ ايلاَ هْجَرْ لْحْبِيبْ
رَاكْ قْرِيبْ ايلَا قْدَرْ لْقْلِيبْ
وْ غِيرْ .
.
غِيرْ تْحَمَلْنِي وْ عْذَرْني
هَمّي رَاهْ غْلَبْني .
.
هَمّي رَاهْ غْلَبْني
…
عادل بناصر مناجاة ليلية 02:50 الثلاثاء 17/06/2014