كلامي فسكاتي
ماشي ملزوم تفهم كلامي
ولا نفرض عليك ترجع سلامي
المعاني ديما فتخمامي
و يلا نساها القلب.
.
.
، عيبي: مكتوبة بقلامي
كلامي فسكاتي و سكاتي فكلامي
ضحكت أو بكيت راسي يبقى حامي
الدنيا دقيقة.
.
.
ما تعيشها مرتين.
.
.
و سميتك من الأسامي
غفلنا و وضرنا الطريق.
.
.
و ها الدليل قدامي
الموت ورانا ولا من يفيق، الكل عايش فلحلامي
السما زرقا، ساكنها سرب من الحمامي.
.
.
ماشي ملزوم تفهم كلامي
ولا نفرض عليك ترجّع سلامي
نموت على لي يفهمني وما يعطيني
و لي يشفق عليا، من سمو يسقيني
ما تعايرني بكلامي
ماتضربني بسهامي
غاية.
.
.
أمنية من بين الأماني
الصمت والوحدة، فيهم نظمت الأغاني
وحدة من زوج ، من ربعة ، عليك بديواني
إلا سافرت عفاك وعفاك تكلم بلساني
مادام كلامي فسكاتي و سكاتي فكلامي