يرقصو فالخصام…!!!

خد مني هاذ الكليمة.
.
.

وخا نفسك بسري عليمة

بلي دوزات الدنيا عليا
وسمّ الكلام لي بقا فيا

.
.
.
ما يهمني.
.
.
 

لي يهمني: أنتِ.
.
.
تكوني ليا

ناس تدوي.
.
.
 وناس تكوي!!!

و بالملح علجرح.
.
.

يحميوا الطرح!

يرقصو فالخصام

 و يحسدو كل من صلى و صام

ما منهم علاّم

ما يعاشرو قلام

مايهزو علام

الضحكة بالعبار

و القلب عامر بالغيار

الغبينة فالحلق عالقة

و الفلايك فالبحر غارقة

من حيط لحيط للدار.
.
.
هاني!

تزيد خيط على خيط.
.
.
بالحمّار، باني

منسج و خيمة

هُما تاج حليمة

السعادة خِدمة.
.
.
و مساعدة الغير

ماشي نفاق و كذوب و صباغة  و جير
ما تعيا بالحفير

ما تفرح ملي  ترمي غيرك فبير

يرقصو فالخصام

ويحسدو كل من  صلى و صام

يا ربي شوف من حالي

ما نربي كبدة على ديالي

سيدي ربي أنا ضعيف

بغيت نعيش ما بقى لي.
.
.
عفيف

مال هاذ الناس ناسية؟!

راه أيامهم لي ماشية

وسمّ الكلام لي  بقا فيا

.
.
.
ما يهمني.
.
.

لي يهمني: انتِ.
.
.
تكوني ليّا

 تصاحبني الورقة و ما نْدم

والقْلْم يشهد ليا ويزمم

الكلام لي بيه نخمم

يكويني.
.
.
ويخليني من الدنيا نتعلم.

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافق المزيد