ذاك المسكين حية لي بيه

شوفوا المسكين، الزمان كيف خلاه

تالف ويدور ما صايب دواه

كيف لعبات بيه بين صباحوا ومساه

خلاتوا يبركم بكلام الحبيب لي كواه

شتا وبرد وصيف و حالف ما ينساه

الوقت تفرس فيه.
.
.
وعاضة في شفاه

هاد المسكين يبقى فيا.
.
.
من فطورو لعشاه

مايذوق نعمة و بدخانو يتنشواه

لي شافوا من الخّوت راه معاه

كون ما هما شكون كاع دوّاه

في ركينتو يشوف الفوق و لتحت حتى احد ماحداه

هو وعلتو و همومو لي معذباه

في زمان كان بضحكتو لي ما مفارقاه

يكلم هذا  وذاك بكلام سبحان من سواه

بعيون و تقواس لي ضحكوا معاه

فرشو لو حية تلوات عليه.
.
.
وحالفة لطالقاه

حتى مصات منو  قواه.
.
.

وخلاتوا خشبة مركنة فركناه

هاذي حالت لي نيتو معيّشاه

ومن حبابو  حفرو  ليه قبر متواه

آخّوتي !!! حالت هاذ المسكين  و ليشافو  وقاساه

من مرار الدنيا وكيّة ديك لي معذباه

طلبو ليه الستر يلقى ويصيب دواه

ويعيش حتى يلقى ملقاه.
.
.

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافق المزيد