المغرب للكل … لو الروح فنات

الجار يظل جار حتى لو على بلادي جاير
وجور جاري.
.
.
جاير ماشي كما الجراير

شوف الجنوب كيف ولّات.
.
.

ياك كانت غير صحاري و فلاة
و أرضها من الما شحات.
.
.

بفضل الله، ثم العلوي، وحنا.
.
.
زوهرات
صبحت جنة.
.
.
و ذرات رملها نبتات
و دارت الظلال و على قلوب العدا وقفات

ياك نبينا وصى على سابع جار
مال جارنا و غيرو محتار
و المغرب أبدْ ما صرّف فيهم العار
قايدنا شهم.
.
.
و لد شرفاء أخيار
كل ما قالو: آي.
.
.
صار لغوثهم طيار
الجار يظل جار.
.
.
حتى لو عليا جار
يشوف حالو من جورو على جارو.
.
.
كيف صار
علْ و عسى يتعظ.
.
.
عار الجار على الجار
و يصحح مسارو و ما تخلط ليه من أفكار
الصحرا ديالنا و المغاربة شعب مغوار
ما يفرطو فشبر منها لو يتبعو اللفعة للغار

المغرب كريم و بجارو رحيم.
.
.
ماهموه حفاير
ما هموه حساد ما هموه حقاد.
.
.
للقدام ساير
بغاو و لا كرهو، ما يخالف .
.
.

فضل الله بينا ضاير
نبقاو خشبة فحلق العدا لو دّور الدواير

المغرب ديال الكل.
.
.
ماشي غير شي فئات
على ربي تحشم شي حكومات
و تسمع شنو قال زين الكلمات
تنفذ كلامو و تتبع الخطوات
تهنينا من دوك العينات
لي قننو الرشوة و دارو كل الموبقات
راه الغصة فينا حتى للممات
و المغرب للكل.
.
.
لو الروح فنات

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافق المزيد