تكريعة البحر
حشومة عليك
مَامْوَالْفَالْكْشْ أ َلْبْحَرْ
صْدْمتِينا بْذاكْ الغْدْرْ
فْغفَلَة القْدْر
فْقَلب اللِّيل
إيهْ مَا شَافْكْ حَد ْ
لكِنْ الرُّوح
عزيزة عند الله
تّْفضَحْت ِ
والعالم تفْجْع وْبْكَ
على ذاك الملايكة
طفل ، صغير
تْبْلْعْ مُّ وتْكْرعُه ،هُوَ
كِ شِ ْحمُوضَة فشْطّْ السّْخْط
أَشْنُو ذنْبه إلى العالَم
هَجّْرُه بْلادُه
وْ فْمْواجْك تهْجّْرو ليِه
بالعَار حسِّيتْ
لذاك الصَّمتْ
إلي ْهدْرْ و مَا سْمعُه حَدّْ
مَاتتْ فيناَ الإنْسانِية
وْلاَّ هَاذيِك غِيرْ آثار الأنانية
فَاقْ مْنامِي وْحْلْفْ ليْرجْع
لأَحلامي
قالِّي إلَى قْدْرت ِ
تْرَجْعِي لنعَاسك
غير مشْية بلا رْجعة
حِيتْ حْياتْك كِ مَمَاتْك