أنا الضاحك .
.
.
!!
أنا لي فبالك .
.
.
!!
نمشي ولا نجي
لفراق يرشي .
.
.
وفخيوطي تنجي
.
.
فبلاصتك تكمشي
وفذكرياتي تفرجي .
.
.
وصورتي دخان فيه تنشي
وسمايا فيها تفججي
أنا الضاحك !!
أنا لي فبالك !!
قصة وقلم وألف ورقة .
.
.
دمعة وظلمة وليل وحرقة .
.
.
عشقت التراب
وما تسنيت لغراب
حياتي سراب
ظنيتك معايا .
.
.
وخا هضرتي فقفايا .
.
.
دبا تعيش لي عشتو .
.
.
!!
محال ترش لي رشيتو .
.
.
!!
ماكنت نرمي الملح عالجرح
ماكنت نحمي الطرح
سلامي .
.
.
ديما فكلامي .
.
.
واحلامي .
.
.
مانشوف دمعة قدامي .
.
.
أنا الضاحك !!
أنا لي فبالك !!
نلاقي حروف
نسرد ظروف
نشبه بخروف
نجمع قصايدي فرفوف
فيها داكشي لي فقلبي
المعروف .
.
.
ولي مخبي
علاش؟! آنفسي فيا تسبي
ما تجاملي ما تكذبي
أنا الضاحك !!
أنا لي فبالك !!
أنا لي غادي نمشي
وفخدودك ما تقمشي
أنا لهيه
وديواني ماتحرقيه.