الوشاية
71039
الفم هضار.
.
.
والاذن سماعة.
.
.
والقلب يختار.
.
.
والنفس شجاعة
رد بالك وحضي راسك
من الواشي وخا يكون باسك
ما تولي افكارك هدامة
كثرة الاشاعات .
.
.
والكذوب والفهامات
ماعرفت راسي من رجليا
الواقع عايشو.
.
.
وكثير ما قالو فيا
كون كانت الهضرة راس المال
ما تلقى الزجال ذبال
والحاكي شرى الجبال.
.
.
تنبغي الطبيعة.
.
.
والجلسة والتربيعة
ونكره مشعلين العوافي
.
.
.
اصناف مكروهة.
.
.
ما نوزن فيهم قوافي
حياتي مفهومة و واضحة
مانفكر فالواشي.
كل العبارات فيه قادحة
يكتبلي بفمو سطورا لي خلات لعين تدرف
يجازيه الله فكل حرف.
.
.
انا عادي الطباع
ما نهين السبوعا والضباع
راه عندي اسرار
مسالم بلا ثار
مايدبدبو شفايفي كلام مايحبوه الناس
باش نكون هاني الراس
راه ساهل نهضر .
.
.
وصعيب نتقبل الهاضر فيا
الفم بروال
والاذن سماعة
والقلب يختار.
.
.
والنفس شجاعة
خليونا نعيشوا الحياة
بالعواطف الحساسة
راه مدتها دقيقة
هاذي الحقيقة