بنت العشرين كبرات
كيفها كيف البنات
جاوها الخطاب وهي حالفة لتزوجات
بين هدا وبين داك بريها حافظات
شكوا فيها لتكون من المعقدات
ولا بشي حجة خايبة تمسكات
وهي غير عشقات وحبات
كيفها كيف كاع العاشقات
لغرام ،والحب لفريد لبيه تحججات
ايوا مالها.
.
.
من حقها خليوها راها عاد بدات
حافظوا عليها راها منكم خلقات
وعليكم سهرات ليالي وقرات وخدمات
باش ترجع ليكم وخا غير شوي من الضحكات
وقفوا معاها راها ليوم تخلعات
ما تخليوهاش تفكر علاش كاع كبرات
راها حنينة وفريدة تربات
طبيعي بهاد الاختيارات تخربقات
راه زواجها مكتبوا مولانا بلا حسابات
ليوم ولا غدا .
.
.
.
طلبوا لها الصحة لي بيها بانت
وصبحت وردة بلا شوك بين الوردات
ماتجرح ولي راعاها بريحتها تهلات
راها كيف البارح واليوم عليكم ضحات
راكم على راسها وعينيها داكشي علاش سكتات
الاختيار حرية لجميع البنات
ايوا راسها من راسهم هادشي لي بغات
بريضاكم ودعواتكم ،.
.
حداكم سمعات
لي درتوه ليها بزاف.
.
.
.
عطيوها فرصة تبين العوكوسات.
قصة واقعية