ماكنت نعرف نفسيتي عليلة
حتى تغرمت بهواك يا خليلة.
.
.
وسرات فعروقي بين يوم وليلة
خرجات من فمك ماتحتاج تكميلة
روحي تخنقات تقول فوقها فيلة
علاش أنا شوفتي ليك ديما جميلة
بنيتي وإخلاصي ما نخدم حيلة
ولا نسول عالعيب وألف تسويلة
كلنا قرينا نفس لحروف فسكويلة
وقصة الصرصار والنميلة
نارك كواتني غير بشويا وفتيلة
وخا أنا ولد الدرويش وسوانتي قليلة
مانرضى في أيامي تولي نفسي دليلة
ما ظنيتش لهوى يشيبني هذه تبهديلة
غرامي ما يكشف ولو بمليون تشليلة
ويعمر لي من الحدجة ألف سليلة
ما كنت نعرف نفسيتي عليلة
حتى شدوني شباكك ياخليلة
وخويتلك قاع الخابية بلا تقلقيلة
حاشا تكوني هبيلة
وينعتوك فشي نهار جريتيلة
أنت بلا عيوب غير نفسيتي لي عليلة
وبالك هموم الدنيا ,بهم شغيلة
ما نكرش حتى فهمومي نحس بيك عقيلة
وتحزن وتفرح لي وبالحق عديلة
يا امرة نفسيتي ما هي عليلة
ولا عقليتي لبهيليلة
لكن حبك وهواك يا لخليلة
لي خلاني نتصرف ونرسم ليك جوارحي لفحيلة
لي حب يسامح قالوها زمان ما شي مشكل نفسيتي عليلة