خاليد جموحي يرد بقصيدة : الصراحة ماكاين باس … هاذي تزادت فالراس…!! ’’
الصراحة ماكاين باس
هاذي تزادت فالراس
وهضرتك كانت بالقياس
وخبار الصايا كولشي عليها عساس
وكيف ماقلتي فالبرعة والحلاس
طاحت الفاس فالراس
منين ولا عباس إيناس
وحنان إلياس
غير نساي البيضة والطاس
هذا مجرد حماس
جا من بعد نعاس
وطبيعي يكون بلا إحساس
كيف إنزكان كيف فاس
حنا مغاربا مليون مرة وبلا قياس
حنا ولاد الناس
كيفنا كيف جميع الناس
بلا فريع الراس
كلامك كان للجار قرطاس
وتبوردتي وانت راكبة الفرطاس
بغيت ندير عليك سور وحراس
وخفتك تخدعي ليا العساس
بكلامك الحساس
فين ماكانت القرعة .
.
.
لازم الكاس
وفين ماكانت خيوط الرتيلة تصيب البردعة والحلاس
وفالخصومة الوجدي بينهم دساس
غير خلي كلام الصايا وكسكس بالكسكاس
والرزين مايطيح فالساس
الصراحة ماكاين باس
هاذي تزادت فالراس
نموت على أرض الأركان والبسباس
الصراحة ماكاين باس
هاذي تزادت فالراس
ونموت على بلادي بلا قياس.