خاليد جموحي يكتب: …يمكن يصبح عريس…!!!
كيف البارح .
.
كيف اليوم.
.
راه انت راجل مضيوم.
.
سهران.
ماتشوف النوم
هاذي هي الإشارة
لعقول كاملة حايرا
مالو مسكين .
.
!!قالو: مغروم
عايش وحدوا .
.
هاذا: محروم
ويلي.
.
!! ويلي.
.
!! هاذا مظلوم
شفوه اليوم كيف ولا.
.
.
على حبيبتوا راه تخلا.
.
.
وبماضيه يتغنى
ماراضي و يتعنى
مالمو أنا يا ناس
الراجل دخلو الوسواس
نصحوه بزيارة فاس
تحميمة فمولاي يعقوب
قالو : هو دوا الحبوب
ويبقى تما حتى الخميس
باش يزور مولاي إدريس
يقدر غدا يصبح اعريس