خاليد جموحي يكتب: صبر الجمال …!!
يا الهايم قول ليا :
الوسواس والشك سرا فيا
والغبينة وهموم الدنيا عليا
الضحكات والدمعات تقاضوا ليا
وكلامي معبور
عايش مستور
ما بغيت الزمان عليا يدور
ولا عويناتي بلا نور
وا !! الراس نشط ليا …
ما دير لجام وتحبس ليا
موت وحدة عليك وعليا …
لي قولك: هاك… تسنا منو أرا ليا…
راضي …
مانهز غراضي …
بلساني الماضي …
ما نحتاج لقاضي …
الصحة راس المال
بيها تطلع الجبال
وصبر صبر الجمال
وخا تكون فالهم حمال
حياتي مفهومة
ما محتاجة ما محرومة
ما نكثر عليها اللومة
ومن الغدر والحسد مكرومة
يا الهايم قول ليا :
الوسواس والشك سرا فيا
والغبينة وهموم الدنيا عليا
الضحكات والدمعات تقاضوا ليا
بين هنا وهنا … مكتاب
بينك وبين الصحاب …
وحتا الأحباب …
لازم من العذاب …
الشيب فينا
والصغر ما يرجع لينا
وحنا ما عيينا
من لغدر لي بيه صدينا
فوج آآ قلبي وتفلا …
وعلى بنادم ماتتعلا …
فالوالدين والخوت تهلا
وعلى مرتك ماتتخلا …
وا !! الراس نشط ليا …
ما دير لجام وتحبس ليا
موت وحدة عليك وعليا …
لي قولك: هاك… تسنا منو أرا ليا…