سميتك فالقلب
واخا نتقلقو وخا تنوض لحرب
يامولات لعيون لكبار !!
زينت البركة وأحلى خمار !!
أنا ماظنيتك تقفيني .
.
.
وانت كبيرة ديما فعيني .
.
.
سبقتيني لحليمة ولحمار
واخا كنت عندك فالدار
ماحافيتك وأنت عليا خايفة .
.
.
بزاف
ربي يجازيك واخا أنا .
.
.
زفزاف
عذرني راني مخبوط زوج خبطات .
.
.
وما خليتي النسا فيا زبطات .
.
.
يا مولات القصص والحكايا !!
ما تخليني نزلق على قفايا !!
راحتي معاك أختي
كون ماحشمت كون ناديتك: حبيبتي
ومالها .
.
.
ربي معاك حشومة نبقى بلا نعمة
والشيطان دار فعلو وصيدنا بطعمة .
.
.
نعليه وصالحيني
وربحي حسنة ماتخليني .
.
.
نخلط بين الزيطة والغيطة.
.
.
بين الموال والعيطة.
.
.
العشق كلام
والاحترام سلام
ضربت المعنى
ومابغيت بيه نتكنى
الصلعة مايحكمها مقص
والحكاية مالازم تبداها من النص
هادشي علاش كلامي .
.
.
ماضي !!
ماملزوم نحكيوه .
.
.
لقاضي !!
حنا احباب
والله حتى صحاب
سميتك فالقلب
واخا نتقلقو وخا تنوض لحرب
الزين زين .
.
.
بالصلا والدين.
.
.
بغيت نتصالح
راه الفراق قاسح
انا ماظنيتك تقفيني
وانت كبيرة ديما فعيني
عفاك !!! سامحيني.
.
.
!!!
مابغيت الواد لي جا يديني
ولا.
.
.
لي يحك لي الفانوس ويغنيني
سميتك فالقلب
واخا نتقلقو وخا تنوض لحرب