عيش آمسكين…
طلعت الشمس وبدا نهار جديد
بفياقو بنادم مشغول شغل العبيد
نهارنا قوتنا والفرحة مؤجلة حتى اليوم العيد
هذا حال المسكين لي خدام حياتو وديما على الحديد
عايش اليوم فهمومو ما يسول على الجديد
بحال.
.
بحال: مبدأ عندو .
.
وخبزو شحال لذيذ
بصلاتو مرتاح ونعاسو ساهل وفريد
سهرتو ليلة عرسو .
.
وليلة زيادة ولدو حميد.
أما سي فلان بن آآل فلان لي ديما غضبان
سوى اكلا الكفتة ولا الكبدة قطبان
مكشر وهو بسلامتك وسلامكم ندمان
آش من حالة .
.
حالة هاد القومان
قوم سهير الليل ونعاس النهار وشخير الثيران
نعاسو عذاب .
.
.
بخوف الموت راه حيران
حالتهم تشفي وحقيقتهم تشوفوها فالبيران
يتمايلو.
.
ويتسابو.
.
يتكاذبو.
.
ويتبولو.
.
كيف الحيوان
ما دربو حسبة كولشي يتقاد فالآخرة ياك مذكورة فالقرآن
بسلامتك حياة الذل تبان
بعيونهم المغمضة بالعز الكثير ليما ليه حسبان
يبان ليهم عايشين أوهما عليهم غناو الغيوان.
آآصحابي عيش اليوم قاسح ولا زين انت ديما حنين
بالعزيمة والتآخي كيف ما جا فالدين
نشدو بيدين بعضيتنا ونساعدو القافز والدنيدين
العيشة صعابت ومرارت وكولشي ينين
تهلا فالمبادئ وحتى الوالدين
ماعمرك ما تخيب وما تشوف غير الزين
بزواجك تنقد بنت وتكون اسرة وتكمل الدين
ما تبقى محضي والكلام عليك وحتى العين
الخبز و آآتاي عشنا بيه وعاشو بيه هاذي سنين
القضية فالقلب والعقل وتولي سميتك مسبوقة بالسين
غير عيش آمسكين.
طلعت الشمس وبدا نهار جديد
بفياقو بنادم مشغول شغل العبيد.