الصمت
نهدي لك فني…
عزّ من ظنك و ظني
يحكي ليك خطوط الرواية…
من البداية للنهاية…
أيام حلوّة… وَهْم!… و أحلام
جروحها وذكرياتها مرسومة بقلام…
ليل ديك الأيام… ما تلقاه حتى في الخيال
و ما يتقدر بموال…
كانت تخليني… نصمت…
والصمت أصل الحكاية…
لي فيها أبيات وأشعار…
مكتوبة بدموع العين… مفضوحة فيها أسرار
بصوت يعزف على أوتار
تّرجّاه… أيام و أعوام
وتمناه يبقى على الدوام
محلا الحياة حداها…
والقلب ما يرضى بسواها
يتنفس هواها…
تخليك فنان…؟ تعشق الفن و المحال
و تورّثو بيدك للأجيال…
فصفحة بيضة… و تخلي الإبداع للخيال
لأن الصمت إلا دوا…
يقول لي ما يطيح لك فالبال