113741
(إهداء إلى كل الآباء بمناسبة عيد الأب)
هادا شحال ماسمعت عليك اشاعة
وخا سميتك تردد فوذاني كل ساعة
وهي لي بين الاسماء لي زعزاعة
تقول كنت نرضعها فالرضاعة
انت ماشي مغرور ولا تتعامل بفظاعة
مهبول ومسيح والمشاكل منك وضاعة
مامسوقش عاطي بالظهر تقول حاط على وذانك سماعة
العين عليك وريحتك فواحة، بحال كاس شاي بنعناعة
ياسلام!! عليك اعمالك تفتخر بيها ومقتنع بيها.
هاذي اكبر قناعة
مايهمك الكلام.
الناقص منو مسدود عليه فصنادق شماعة
كرامتك وتاريخك بصمة لكل الاجيال والوقت فيهم صناعة
مانختم كلامي مانخلي اشواقي ودموعي فيك وداعة
هادا شحال ماسمعت عليك اشاعة
وخا سميتك تردد فوذاني كل ساعة
أنا من صلبك من دمك بويا بابا الوالد سميتك لي زعزاعة.