101973
شي فشي وجمع كولشي وراك معشي
شي فشي وجمع كولشي وكرامتك تمشي
فرانك، جمرو طافي وخا تبقاي فيه تنشي
طلعي، تنزلي، تبكي، ضحكي، وحتى تكمشي
المفيد سولي، ومن بعد حشمي ولا كاع لا تحشمي
أنا سرك عندي وخا عارفك فسري تفشي
ما نهديك كلمة مانسمعك نغمة كون تستاهلي بعيوني ترمشي
ونقابلك من الصباح لصباح مانخليك تعمشي
عنايتي فراسي وثقتي فروحي وخا فسحورك ترشي
وخا يكون فقيهك من الهند ولا السند ولا حبشي
ما نقرب منك ما تعزازي ما يزيد يكبار وحشي
نبعد ونزيد نبعد نهرب والله حتا نهرب ونهز قشي
عشرتك زلزال.
مانحكمك وفصحتي ترشي
مابغيت زرود ما نلعب بقرود، بالخبز والما نرضي كرشي
ثقال و وزن راه العود عود ماهو فرشي
شي فشي وجمع كولشي وراك معشي
شي فشي وجمع كولشي وكرامتك تمشي
أنا وراسي نخممو و نيشو مزيان، مالازم بيدك فجيوبنا تحشي
الحروف بارزة والخطوط عريضة وانت عام على عام بمدادك تحنشي
الناس تبغي، وقليل لي يكوي عفاك !! نصيحة غير تكمشي
كل زمان ورجالو وكل قمح وكيالو هادشي علاش ماينفعك شي فشي
ولا جمع كولشي راه مابغينا نبيعو روسنا وكرامتنا تمشي.
فرانك جمرو طافي وخا تبقاي فيه تنشي
طلعي تنزلي تبكي ضحكي وحتى تكمشي
تواضعتو ثاني ونزلتو للشارع !!
دوختونا شكون فيكم البارع
كثر الكلام .
.
.
.
والتعناق والإبتسامة ومليون سلام
عفاك !! ما تواعد .
.
.
خدم، وشمر على السواعد
جرب تخدم .
.
.
سميتك بالذهب تزمم،والله ما تندم!
وتولي الناس فيك ثايقة
والنفوس ما تبقى ذايقة
كون مشعل وطريق
ماتنعس ويقولو ليك فيق
شي فشي وجمع كولشي وراك معشي
شي فشي وجمع كولشي وكرامتك تمشي