فهد الباهي ـ إيطاليا
كتب الحقوقي البارز “عادل تشيكيطو” رئيس العصبة المغربية للدفاع عن حقوق الإنسان، في تدوينة مطولة تحت عنوان: “اللي بغاو يشخصنو القصارة ديال اليخت راكم كتطبلوا فالما …”، حول ما أصبح يعرف بحديث الساعة، أو الفديوهات التي سربت من “قسارة البحر والراقصة مايا” في عرض البحر، هذا في الوقت الذي تجد فيه مواطنين فرض عليهم الطوق والغرامات المالية.
وكتب تشيكيطو تدوينته حسب المثل الشعبي القائل “شرح ملح غير لي مبغاش يفهم”، موضحا “نعاود نقولها راه ما يمكنش تزير على البسطاء فمحطة القطار و تسد على اخرين فالدار، وتحبس النص فالمغرب مايركبش الكار ليلة العيد… و ناس عايشة فاليخوت وكأنها ما عيشاش معانا وكأن كورونا كتمشي غير للناس الكحيانة…
وكانت هذه تدوينة الحقوقي عادل تشيكيطو حرفيا:
اللي بغاو يشخصنو القصارة ديال اليخت راكم كتطبلوا فالما …
التراب ولا ماشي التراب ماشي هذا هو عمق المشكل بالنسبة لي،،، وحتى الا كان التراب ولا شي حد اخر من غيرو ناشط حياتو هديك وماعندنا سوق فيها…
واللي قرا التدوينة ديال البارح بعين مافيهاش الجلالة غادي يفهم بأنني ماشي موضوعي هو واحد جايب فنانة ناشطة معاه …
الرسالة هي اننا فوقت استثنائي وظرفية عصيبة و الدولة فارضة إجراءات على عموم الشعب و كاينة مدن و أحياء تم الاغلاق ديالها، وناس كتعيش الميزيريا وفنفس الوقت اماكن اخرى مفتوحة لناس آخرين كيديرو ما بغاو…
نعاود نقولها راه ما يمكنش تزير على البسطاء فمحطة القطار و تسد على اخرين فالدار، وتحبس النص فالمغرب مايركبش الكار ليلة العيد… و ناس عايشة فاليخوت وكأنها ما عيشاش معانا وكأن كورونا كتمشي غير للناس الكحيانة…
مايمكنش البحورا مفتوحين لليوخوت و البراجات فالطريق كيزيرو على مول الداسيا و البارتنير اللي غادي يترزق الله…
مايمكنش لمواطن يتنقل من كازا ولا طنجة … للمضيق و يزهى مع صحابو، وموظفة بسيطة ساكنة فالرباط وخدامة فشركة بكازا تقول ليها ممنوع التنقل الا بورقة مطبوعة من عند الوالي ومنين تمشي تجيب الورقة يبداو يطلعوا فيها ويهبطو …
فهمتوها ولا باركة عليكم …
المهم البعض (اقول البعض و لا أعمم ) اللي كيدافع على التراب ما يمكن الا نقول ليه الله يسهل عليك آخويا راه ما وقفينش لك قدام رزقك غير فهم قبل ما تحكم…