عيش الدنيا اومايهموك احزانها
حلوة ومرة .
.
.
حاول تغرم بهواها
مادير كيدار لبخيل ونساها
فليلة تقلبات عليه لخليلة وخلاها
لاحد سول فيه او ماعرف كيف يبداها
والحياة.
.
.
حياة بالدين والصلاة وتقواها
بزواجها وولادها تخليني نعشق غناها
تدندن لي بالاحزان والفراح وما حلاها
بجبالها وسهولها وبحورها سبحان من سواها
عمالك لعملتي تشهد فيك فالاخرة ما تتراجاها
الدنيا حلمة كبيرة تسالي بموت وحدة ما قساها
فكر فالحشر ونسى الخمر ونوض لفجر وتكون دواها
هده هي لعشقها المومن كيف ينساها
والغافل حاصل ونادم كيف يدير يتفاداها
ماشي عاقل يفكر فلي خلقوا وهو حتى من دكرياتوا خواها
المريضة ماتنسى شكون لي شفاها
والوحيدة ماتنسى لي واساها
والصديقة حرام تنكر لي كان حداها
والميمة ماتهجر ولادها
والعروس ماتقدر تفارق احبابها
هده هي الدنيا ما يهموك احزانها
بقلم : خاليد جموحي