الصحبة تحكا في الحجايات
وتْغنى وتْروى في الروايات
أما فالواقع، فاقدة كل الصلاحيات
صحبتك تدوم بدوام الدريهمات
يعشقوا رفاقتك و يمدحوك بكليمات
ويلا الوقت قصاح ضربوك بركيلات
تجسد محاور و سيناريوهات
أفلام، و قصص، و مسلسلات
تقدر تشوفها فبعض لكليبات
ملي تقلبات الوقت.
.
.
ولات الحسابات
قالوا زمان: لْحساب يطول العشرة و يزيد فليّامات
ماشي الصحبة على كثرة الريالات
ملي تعكست الآية.
.
.
كثرات الفهامات
بنادم عايش وحاضي كوايموا من الصدمات
را حنا بين مقوصة لي غفل طارو لو لعوينات
يبقى عمى فياموا الماجيات
الصداقة فنات و مشات مع النيات.
.
.
وبقاو غير الحيات
فزمان الحقد والنفاق والكذيبات
في الحزة يخليوك تالف في الظلمات
وفي العز، حقهم فيك و فالنحل، ماشي غير الشهدات