خاليد جموحي يكتب حصريا لهبة زووم ’’الدجاجة ما ترجع فروج’’
ما رغمو كولشي يطيح على صوت الهجهوج
حشومة نرجعو الدجاجة فروج
ولا نقادو كولشي فالدروج
الفرد واحد ماشي زوج
عيشة عيشة وخدوج خدوج
مانحتاجو لكتاب ولا كروج
ما نوهمو الناس ونرجعو الزنجلان سانوج
ولا نعناع مكناس من لبروج
باش تبيع ليركاط .
.
.
!! وتشري الرونج
كولشي وعا وفهم: واحد زائد واحد زوج
بلاما رغمو كولشي يطيح على صوت الهجهوج
تهنينا من زمان البون والدقيق فوج بفوج
يا الحياح !! كتبت عليك هاذا شحال واليوم بغيتي تفادى الدروج
ما يمكنش .
.
.
و محال تلعب بالصندوق
ما بقا دجاج وسفة ولحم بالبرقوق
اليوم كولشي بالمعقول يخليوك ذوق
الصدق لي كولشي يبغيه و مانحتاجو نبرحوها بالبوق
مغربنا زين كبرنا وكبر الوالدين
فيه السبوعا موحال الضبوعا يوصلو للعرين
مغربنا مغرب الشرفا والإحترام والدين
سلامي لكل مشتاق لوطنا وشدو الحنين
نبغيوها نجمة خضرا وراية حمرا
زوينة وديما فعيونا قمرا
من طنجة لكويرا
جبال ووديان وبحور وصحرا
حشومة نرجعو الدجاجة فروج
ولا نقادو كولشي فالدروج
الفرد واحد ماشي زوج
عيشة عيشة وخدوج خدوج