الغابة ما تدرقها شجرة

ليلى البصري

الشمس ما يغطيها غربال

و الغابة ما تدْرّقها شجرة

و الهمة ما همت رجال

و الزعامة ماشي بالهضرة

ملي هلكتونا بالمحال معاكم

ما بقات عشرة

خطيونا يرتاح البال

و تعود الايام الخضرا


قلتو لّي هضر حمق…

و الساكت مالو؟

سديتو عليه باب الرزق…

و كليتو راس مالو…

و لي دوا تطحن و تدق

و بقا عبرة لمثالو

من إمتا عاش الحق…

و الباطل خالو؟


مشات الهيبة و جات الخيبة

و لينا بحال الغنم فالزيبة

كي الاستاذ كي الطبيبة

غاديا توقع شي مصيبة

الفتنة من الحكرة قريبة

و الحق ما يطوّل الغيبة

واخا على بلادي غريبة!

 و كلمة الحق فيها عجيبة

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافق المزيد