المصنطح؟ من عند الله؟
و لا كيديرها بلعاني!؟
ضيع الأمة لي منجحاه
و داخل الانتخابات ثاني
فالدراوش، لقا لي بغاه،
ما عندو ضمير يعاني
باش من وجه يلقا مولاه،
باش تنفعو الصواني؟.
.
.
الصنطيحة ولات موضة
فاين ما مشيتي تلقاها
و الخَدَمات بيها معروضة
كل واحدة و سواها
بغيتي تبني حتى فالروضة
دهن،.
.
.
وهانتا مولاها
و اذا جيوبك منفوضة
العظمة، فالكرشة تلقاها
هذا واقعنا و حنا مواليه
فاين المغرب ديال شحال هاذي؟
بلاما نّكرو؟.
.
.
لينا يد فيه
حتى حد ماقال: هاذي بلادي
المغرب ضحية.
.
.
و الكل جا عليه
المغتصب، و المرتشي و السادي
ولدي فيها نخاف عليه.
.
.
خلات أرضك يا جدادي
لا تعليم زين نحطك فيه
فاين الأمان يا ولادي
المغرب غني بولاد الناس
الوطنية فدمهم بلا قياس
و مستعدين يهزو الفاس
ما شي كِصحاب الكرداس
البرلمان صار بيت النعاس
يجريو ليه.
.
.
من بعد القصاير و العراس
نتمنى رسالتي تكون وصلات
و فهموها جميع الفئات
المغرب فالدم.
.
.
و فالذات
ماشي ديال العصابات
من خيرو كبرنا و سرات فينا الحياة
راه أمانة فعناقنا.
.
.
حتى لبعد الممات
الواعي يوعي الجاهل و الواعية توعي الجاهلات
المغرب بخيرو.
.
.
لو يحيدو المحسوبيات
لو عندنا من السادس زوج نسخات
كانت البلاد تنقات، و بالخير و العدل عمرات