.. لا تلوموني آ لصحاب…
كثرتو الكلام
سولو عليا الأحباب
وسدو الفام …
خافو من العذاب
رآه عندي خوال و اعمام
…فاش كانت حياتي ضباب
وسمايا مافيها حمام
وطريقي شوك وذياب
والقلب مغروسا فيه سهام
كانو يتسناوا يفرسو بالنياب…
ماكرهوش يعيشو فالظلام
والصراحة تخوفهم الكلاب
نكتبها بقلم،من الأقلام
وخا كنت..واحد من العزاب
طبيعي كانت عندي احلام…
ضاحك…!! هذا شراب…
… واش هذا كلام ؟؟!!
راكم ماشي من الغراب
ما تقطعو كلامي ماتصوموني صيام
كنتو تقولو أنا العراب
والبطل .. الهمام !
وأنا نشوف غير السراب
…ما هزيت العلام…
كان حلمي وحنا شياب
ما نخافو من الغمام
والعقل يبقا شاب
الولف و الغرام….
والفال بالغراب
خلاني نعيش فسلام…
مانحنطو ما نبيعو لعشاب…
وقفو .. وربطو اللجام …
رآه رجوعتنا لتراب…