نتوقع منك كلمة بلاش !!
101973
علاش كلامك ما سواش؟
علاش الفم ولا يقول: بلاش !!؟؟
ولزمان ماتسناش
والناس تسول .
.
.
كيفاش؟؟
حشومة تنعت كولشي كباش
زكلتها !! هاذ المرة مابقيتي نياش
وجد راسك من غدا كولشي فيك رياش
كلامك رجع لك بقوى منو وفقلبك رشاش!!
الناس ماتحب قليل النية والغشاش
وصوابك سحاب نشناش
طلعتي خاوي والشركي فيك نشاش
حرام وعيب تكون راجل كماش
وخا تكون مظلوم الكل يشهد لك .
.
.
بماشفناش!!
هاذ شي علاش وعلاش وعلاش!!
الشر باقي وحتى الخيرمامشاش
الكلام الا خرج خرج وخا يكون القلب مانواش
كون فكرتي بالعقل كون اللسان مارواش
الفراخ: عود بعود تبني لعشاش
وتينزلو الأرض وخا عارفين فيها لحناش
ولعدو مالازم تلعب معاه قاش قاش
وخا يزمم معاك على الصلح فكناش
يتمنى وقتاش يرجعك فنعاش
علاش كلامك ما سواش؟؟
علاش الفم ولا يقول: بلاش !!؟؟
طبيعي الراس ماترصاش
والجلسة معاك ماتحلاش
مايتلاقا المسكين والفشفاش
فكرامتو مايسمح وعليها مايرضاش
عنداك تكون غالط ليام ماترحمناش
والمكتاب مكتاب والطريق نختاروها ما تخطرناش
والدنيا ورود وافراح وهموم ونكذب عليك الا قلت ليك:مامكرفصاش
الناس ماتحب قليل النية والغشاش
وصوابك سحاب نشناش
هادشي علاش كلامي ليك مازال ماسلاش
ونتوقع منك كلمة بلاش بلاش بلاش!!!