يا مريم.
.
.
الحياة تعلم.
.
.
تخليك تسكت .
.
ومرة تكلم .
.
.
ما تختار.
.
مكتابك راه مزمم.
.
كيف الغافل والفاهم
كيف لخشين و الناعم
كيف الصاحي و الناعس
كيف الفرحان والتاعس
البركي ماهو لدهم
.
.
والكساب عليهم يخمم
كلا مقاسوا بالدرهم
يا مريم .
.
كيف البوا والأم
صبرهم فشكوة منخوضة ومن عيونهم تنغم
مالازم نوريك نيابي
مانتخبا بحبابي
الخاتم في يدي
و وقري عندي
يا.
.
رموشي الغامزة لوان.
.
يا.
.
جوارحي العامرة احزان.
.
الطبل ماهو وتار
والما ماتشعل فيه نار
ما تحلمي .
.
.
ومن الملاين تخشي
كيف ماقالو تقدر تخلي كولشي
يا مريم .
.
.
الحب سهام
ماتوجها بزينت الكلام
ونحكموا بلجام
يكفي بالنظرة والإبتسام
تحوزوا ليام
وعلاش يمكن عوام
فيدي علام
يقدم لك أحلى سلام
مخطط بسمخ
ومايفهم معانيه مكلخ
الكراك مايفرق اللوح
بيه ذوب سميتك فعقلي وخا يدوخوني فالدوح
مانقرب لصلصال حتى طلع الروح
يا مريم .
.
القيمة بالإحترام كبيرة
وبالعقول الرزينة والصغيرة
الضحك ينسي
وبيه ديما تنعسي
يا مريم الحياة تعلم
تخليك تسكت ومرة تكلم
حروفك تبقى مع ليام
و لأوتاد تشد لخيام
فالخصومة تفكري المزيان
وتسامحي وتحضري الإيمان
فالبعد تجيني حلاوتوا
وحدايا ما نقلب على عداوتوا
يامريم الصبر و الإحترام بيهم تتعلمي
كيف تحني وتبغي وتحلمي
ناديك مريم.
.
.
مريم .
.
.
مريم