الزواكة …!!

نقدر ننسى شحال من حاجة ضرورية …
لكن بشوفتي للبلدية…نفرح ونبتسم بتلقائية
ماشي طامع في كرسي الصراعات الانتخابية.
.

ولكن غير بغيت نرجع نتفكر شوي أيام… الأجواء الرمضانية.
.

ونعتز بانتمائي للأوساط التدلاوية
شعور جميل ، ورعشة بالانتمائية
…”وبرجوعي الماضي ، نتفكر تصرفاتي الصبيانية
قدام ،القصر البلدي وفي ساحة القصبة الاسماعيلية
بخروجنا من الديور ، لمدارسنا التعليمية…
هدفنا واحد هو:.
.
نوقفوا نسمعوا لزواكة فوقت المغربية
الفطور.
.
ما يحلا لكل صغير الى ماسمع لها بحماسية.
.

ورثناها عام على عام من اجيال تدلاوية
مزيان… من أشياء بسيطة كنا نصنعوا الاحتفالية
تادلة…آآه تادلة …صغيرة وبناسها كبيرة.
.
بكل اعتزازية
كولشي ساكت ، صمت رهيب نتسناو التزويكة الافتتاحية
مقادة مع آدان المغرب ، .
.
مسألة تكميلية
التزويكة الثانية والثالة .
.
انطلاقات بسرعة جنونية
لكل البيوت…والفطور بالحريرة والشباكية
هادشي علاش ، تادلة عضو من أعضائي الجسدية
بسيطة ، وناسها يحبوك بلا شروط استباقية.
.

الزواكة ماتزول من بالي وعندي ولات قضية ثراثية
لي كنا نبغيوها فالصغر بطريقة عفوية…

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافق المزيد