تلاقينا صدفة في المدينة
نظرة تبادل نظرة شحال كانت حنينة
وخا كنت عادي،او بلا تكستيمة
خلاتني.
.
.
دغيا بادلتها التبسيمة
ومشيت وراها زربان بخطوات سريعة
وعبارات وجمل فعقلي رفيعة
تفاجآت وتكلمات بكلمة زوينة
قلت لها:عجبتيني واش انت بنت المدينة.
.
قالت لي : اييه .
.
كيف درتي لهاد التبسيلة.
.
؟
.
.
.
دغيا وبلا بداية .
.
.
زعامة بلا تكميلة
قلت لها :كولشي فيك زين وزدتيها بعيونك لكبيرة
لخلاوك ضاوية والبنات قدامك يبانوا بنظرة صغيرة
قالت : هادشي بزاف انا راه غير مسيكينة
ماعندي زهر عايشة كيف الدنيدينة.
.
.
حياتي تجارب فاشلة كل مرة تبهديلة.
.
.
لمهم هضرة تجبد هضرة .
.
.
حتى خديت نميرة
مكالمة .
.
ورسالة.
.
حتى كبارت الحريرة
كلام معسول وغرام وتنهيدات فريدة
ولفنا كبار .
.
.
وهشاشت معاه لكبيدة
حب المعقول .
.
.
ماكاين بسالة مكاين تنوعيرة
كولشي منها زوين .
.
.
مرزنة وعقيلة
تقول كلام وآراءها شحال حكيمة.
لكن في يوم من الايام تغيرات المسميمة
خلاتني نشك فالصحبات وفي العيون القليلة
عارفها شحال كانت عندي خليلة
حالتها وهضرتها ومكالمتها الطويلة
حسيت بالثالت معانا يكوي فخيط كبتنا الثقيلة
ما فهمتش علاش سمعات الهبيلة
لكلام يفرتك العلاقة بقوة قنيبيلة
النازل عاقل وقوي بلا تملاق ولا تسمسيرة
والخاوي واقف نفخة صغيرة تديه كيف الفريفيرة
ايوا .
.
.
قصتي .
.
.
ساهلة وصغيرة
حبيبتي .
.
ما نبغيها تخسرني ونهجرها وتصير وحيدة
حالتها تشفي واخا كانت في الاول عنيدة
حاولوا تقولوا لها:.
.
.
.
بغيت التبسيمة
لتخليني نشوف فيها العزيزة والعميمة والميمة
ليما نشبع منها بحال الماكلة للبنينة
مولات اللبسة .
.
الخضرة.
.
والدكرايات الحنينة
نوقف ونتنهد وونتحسر.
.
.
ونتفكر الحبيبة
تبدلات لكن شوفتي ماشي سليبة.