…من بلارج خود المعنى..

شحال من ريحة زينة شمها نيفك؟؟

والخايبة لاصقة،اوما تزول من بالك

والنيف مايختار ،مشموموا

رواو معايا القصة وخمموا

وعدروا كل من هو على حالوا معدي

مع الايام،ماشي لي ختاروا عايش و مقدي

.
.
.
ضحكاتوا ،وهمومو،راه قد جيبك.
.
.

قد .
.
ما تسوى قيمتك .
.
عند اهلك وحبيبك.
.
.

ما عمر المحكوم يختار لي عدموا.
.

او ما عمر التيلاد يختار موا.
.

من كدوبنا ونفاقنا الحيوط كلها تندي

بنيان بقواموا ،وبقلة نيتوا من غدا يصبح كولشي مهدي

الجمل يصبر لصحرا،فالشمس وضوء القمرا.
.
يبين ليك

معاني منها تنسج حايك القوافي ليما تخلي لي يزرب عليك

وكولشي .
.
.
قدام طاموع الدنيا.
.
.
تكدموا

ما راعاو الآخرة لي فيها يتحاكموا

ياك الحديد بقوتوا ولمعانوا .
.
.
برشة يصدي

والقالب .
.
بقوتوا وصلابتوا بقطرة يدوب .
.
.
ها التحدي

عمل الخير .
.
ونساه ،هادي مني ليك.
.
.

اما هموم الدنيا ما تكمل وغير تمحيك.
.

شحال من قومان لآجالهم خدموا.
.

يتمناوا الرحمة والغفران ومحال يندموا .
.

لي نشوفوه مصاحب راسوا نقولوا:هدا حدي

لكن المعلم هاداك ماشي فلويات ،فسكة معدي

هز وجهك لسما ويديك.
.

ودعي لمولاك .
.
حاجة زينة تهنيك

دارها بلارج .
.
.
وسكن الجامور.
.
بالآدان تعلموا.
.

كل تفاصيل .
.
.
الحياة.
.
لي بيها تقادموا.
.

المهم نعاود نقول ليكم:.
.
.

فرحات كل من وعى وفهم.
.

وداق المعنى

محال باقي يتعنى.
.
.

شحال من ريحة زينة شمها نيفك .
.
.

والخايبة لاصقة نتمنى تحيدها من بالك.

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافق المزيد