خاليد جموحي
لي تسولو
يقولك كان ناوي
وغير، خليني بلاش
أنا غير داوي
وكثرت الكلام … وعلاش !؟
بناري كاوي
عفاك!! ما تفضحناش
بيري خاوي
مابقى لزرعي رشاش
من دعوة … دعاوي
والحق حق فرّاش
آشداك لشي شكاوي
وأنت عبد غشّاش
الأيام في نفسك الداوي
وهي ماترحمناش
حرام ينعتوك … مساوي
وعالقرار مترصاش
هاذي حالة الهاوي
نفسو ما مسوقاش
وديما…أنا غير داوي
وكثرت الكلام وعلاش!؟
وفالعوافي شاوي
وفالتسامح ماتقاداش
أنت داوي خاوي
نصورك طبيعي وبلا فلاش
زم … ولم … وماتكون الراوي
فمي سلاح رشاش
سمحلي انت داوي خاوي
حاول ماتنساش.