لي وقع ووقع.
.
.
و طاحت الفاس فالراس
طلبو الستر.
.
.
و قولو الله يحد الباس
جات الأزمة.
.
.
و جابت معاها الوسواس.
.
.
و صبحت الميمة تخمم وتحتاس
رجع و لدها من برا.
.
.
و ولى ضحكة للناس
مشات ايام العز.
.
.
وجات ايام الفالاس
ما رحموه الناس ما خلاه الخناس
ما لقى نفسو غير مع البيضة و الكاس
دمن عليهم من تما و صار بلاهُم عساس
إلا ما حضروش يخلي الحي بلا نعاس
زاد الكحلة.
.
.
كلشي يحضر.
.
.
و لاباس
تشوهات الميمة.
.
.
و بين الناس تعرا لْها الراس
ولدها لي كان حنين.
.
.
ولاّ يضّارب بلمواس
ما وقر خاه.
.
.
ما راعا لْيمّاه إحساس
جات السكرة و طاحت العقدة فالطاس
و غابت الفكرة.
.
.
وجاه إبليس فالراس
قتل خاه.
.
.
بلا ما يحس! و ترمى فالحباس
تشلات الميمة.
.
.
بسبة جلطة فالراس
يا السامع لا تلوم.
.
.
الله يحد الباس
لوم لي حطينا على الوطن حراس
المخير فيهم بالنعالة ينداس
و ما تواتيه غير البردعة و الحلاس
نهار الحملة، تلقاه قرد نسناس
يوعد و يحلف بكل ما أوتي من أنفاس
ويخليك بعدها تضرب أخماس فأسداس
إمتا غادي نعيقو و نفيقو من النعاس؟
ياك العقل زينة! علاش ما نخليوه مقياس؟
و بيه نختارو ولاد الناس.
.
.
لي يكونو بصدق علينا حراس
يحسو بينا، و يهنيونا من صداع الراس
ماشي لي فعرض بلادى بزناس.
.
.
و بلع حقي.
.
.
و رماني للنخّاس
بلادي نقرة صافية بلا نحاس.
.
.
كيف عراوها؟ و خلاوها بلا لباس
خليك من الزرود و ما هز الكسكاس
راه إذا فات الفوت ما ينفعك صوت أعباس.
.
.